மற்றமையைப் பூட்டாதிரு
கடற்கரையை ஒருபோதும் பூட்ட முடியாது
பூட்ட முயற்சிக்கும் ஒவ்வொரு முறையும்
நீதான் தலைகுனிந்து நிற்கிறாய்
சதா ஒவ்வோர் அலையும்
திறந்துகொண்டே இருக்கிறதல்லவா
சலிப்பற்று
நீ பூட்டிக்கொண்டே இருக்கிறாய்
தொய்வற்று
தன்னைத் திறந்துகொண்டே இருக்கிறது
தன்னைத் தானே திறத்தல்தான்
ஞானம் எனப்படுகிறது
தன்னைத் தானே திறத்தல்தான்
அறிதல் எனப்படுகிறது
தன்னைத் தானே திறத்தல்தான்
திறத்தல் எனப்படுகிறது
சரி அதற்கு என்ன செய்ய வேண்டும்
மற்றமையைப் பூட்டாதிரு போதும்
- பச்சோந்தி
பூட்டுதலும் திறத்தலுமற்ற வாழ்வில் என்ன இருந்துவிடப் போகிறது. எதையும் நம் விருப்பத்திற்கு திறக்க முடியாது. திறந்து கொள்வது எதுவும் தானாக திறந்து கொள்வதுதான். அருமை பச்சோந்தி.
ReplyDeleteநன்றி நட்சத்திரா
ReplyDelete