எரிகிற நெருப்பில் நீண்டநேரம் குளிர்காயமுடியாது

 

எரிகிற வீட்டை இறுகப் பற்றாதே
எரித்தவனைப் பிடி
பாதிக் கருகின உன் காந்தி நோட்டுகள்
கிழித்து எரியப்பட்டன உன் பட்டயச் சான்றிதழ்கள்
உடைத்து நொறுக்கப்பட்டன உன் வாகனங்கள்
இவை எல்லாவற்றையும் செய்தவனுக்கு
ஒரு லாபமும் இல்லை
எரிகிற நெருப்பில் நீண்டநேரம் குளிர்காயமுடியாது
அதன் சாம்பலில் பலமுறை பல்துலக்க முடியாது
ஒன்று செய்
நீயே கரிக்கட்டைகளைக் கொடுத்தனுப்பு
கரும்பலகைப் புதுப்பிக்கப்பட்டால்
எல்லாம் சரியாகிவிடும்

- பச்சோந்தி